Bu prokurorluq işçilərinin ailə üzvlərinə pul kompensasiyası veriləcək

Nazirlər Kabineti Prokurorluq orqanlarında xidmət yerinin dəyişdirilməsi ilə əlaqədar yaşayış yeri olmayan və bu səbəbdən kirayə götürülmüş mənzildə yaşayan prokurorluq işçilərinə pul kompensasiyasının məbləği və verilməsi qaydasının təsdiq edilməsi ilə bağlı 2011-ci il 12 iyul tarixli 112 nömrəli Qərarında dəyişiklik edib.

BAKU.WS xəbər verir ki, bununla bağlı qərarı Baş nazir Əli Əsədov imzalayıb.

Qərara əsasən, pul kompensasiyası hər ay prokurorluq orqanlarında xidmət yerinin dəyişdirilməsi ilə əlaqədar yaşayış yeri olmayan və bu səbəbdən kirayə götürülmüş mənzildə yaşayan prokurorluq işçilərinin ailə üzvlərinə də veriləcək.