Bələdiyyə sədrinin ölkədən çıxışına "stop" qoyuldu

Masallı rayonu Viləş bələdiyyəsinin sədri Alim Ələmovun ölkədən çıxışına "stop" qoyulub.

BAKU.WS "Teleqraf"a istinadən xəbər verir ki, buna Viləş bələdiyyəsi tərəfindən dövlət büdcəsinə olan ümumilikdə 71.62 manat, Dövlət Sosial Müdafiə Fonduna olan 21 978.58 manat, İcbari Tibbi Sığorta Fonduna olan 1 107.88 manat məbləğində borc səbəb olub.

Ümumilikdə 23 158 manat borcun ödənilməsini təmin etmək məqsədilə bələdiyyə sədrinin ölkədən getmək hüququnun müvəqqəti məhdudlaşdırılması barədə qətnamə qəbul edilib.