Baku TV "Dubay Expo 2020"dən reportaj hazırlayıb

Baku TV "Dubay Expo 2020" beynəlxalq sərgisindən reportaj hazırlayıb.

Eksklüziv görüntülərin yer aldığı reportajda bildirilir ki, Azərbaycan sözügedən sərgidə yaşıl innovasiya ilə təmsil olunub.

Ölkəmiz sərgidə Heydər Əliyev Mərkəzinin təşkilatçılığı ilə "Gələcəyin toxumları" adlı mövzü ilə çıxış edib. Pavilyonumuzda təmsil olunan "AZCHEMCO" şirkəti sərgi iştirakçılarına və bütün dünyaya təmiz kənd təsərrüfatının inkişaf etdirilməsi, şoranlaşmış və möhkəm torpaq növlərinin bərpası sahəsində layihələr təqdim edir. Artıq 10 milyona yaxın insan Azərbaycanın milli pavilyonunu ziyarət edib.

Qeyd edək ki, sərgidə 190-dan çox ölkə iştirak edib.

Pandemiya səbəbindən beynəlxalq sərgi bir müddət fəaliyyətini dondursa da, 2021-ci ilin oktyabrında yenidən işə başlayıb.