Bakıda Böyükşor bulvarının kənarından keçən avtomobil yolunda hərəkət qismən məhdudlaşdırılacaq

Oktyabrın 3-də, saat 23:00-dan oktyabrın 4-ü saat 06:00-a qədər Bakı Olimpiya Stadionu ilə onun şimal-şərq hissəsində yerləşən Böyükşor bulvarının kənarından keçən avtomobil yolu üzərində yeni inşa edilən yerüstü piyada keçidinin platformasının quraşdırılması ilə əlaqədar olaraq qeyd olunan hissədə avtonəqliyyat vasitələrinin hərəkəti işlərin aparıldığı zolaqlar üzrə hissə-hissə qismən məhdudlaşdırılacaq.
BAKU.WS bu barədə Azərbaycan Avtomobil Yolları Dövlət Agentliyinə istinadən xəbər verir.
"Yol bağlanmır. Sürücülərdən qeyd olunan tarixdən etibarən sözügedən ərazidə hərəkətdə olarkən diqqətli olmaları, yol hərəkəti qaydalarına və müvəqqəti yol nişanlarının tələblərinə riayət etmələri xahiş olunur", - deyə agentlik bəyan edib.
Oxşar xəbərlər
Azərbaycan gənclərinin döyməyə marağı artıb: Qiymətlər isə əl yandırır - 2000-2500 manat...
Azərbaycan cəmiyyəti uzun illər "döyməli" insanlara yaxşı münasibət bəsləməyib. Onları ya oğru dünyasının, ya da qaranlıq işlərin adamları sayıblar. Ona görə,...
