Bakı polisindən sakinlərə təhlükə xəbərdarlığı: "Sizin aranızda gəzən 30 nəfəri saxlamışıq" - VİDEO

Polisin bu dəfəki reydi paytaxtın Nəsimi rayonunda, metronun "Memar Əcəmi" stansiyası ərazisində aparılıb.

BAKU.WS ATV-yə istinadla xəbər verir ki, reydin keçirilməsində niyyət eyni olduğu kimi, paytaxt sakinlərinin bəhanəsi də eyni idi.

Onlar ya maska taxmır, ya da düzgün qaydada istifadə etmirlər.

Sakinlərdən biri küçədə maska taxmaq tələbindən xəbərsiz olduğunu söyləyib. Bəzi insanlar isə maska taxmamağı allergiya və nəfəs almaqda çətinlik çəkmək kimi bəhanələrlə izah edirdilər.

İctimai nəqliyyatda da yoxlamalar aparılıb və maska taxmayan sərnişinlər avtobusdan düşürdülüb. Polis maska taxmayan şəxslərin diqqətinə çatdırıb ki, ötən gün ərzində Bakıda 30 koronavirus xəstəsi insanların olduğu yerdə saxlanılaraq təcrid edilib.