Bakı məktəbində kütləvi zəhərlənmə: Bütün şagirdlər xəstəxanadan evə buraxılıblar - YENİLƏNİB - VİDEO

Aprelin 6-da Bakı şəhəri 20 nömrəli məktəb-liseyin qidadan özünü narahat hiss edən və məktəb rəhbərliyi tərəfindən dəvət olunmuş təcili-tibbi yardım briqadası tərəfindən səhiyyə müəssisəsinə yerləşdirilən 6 şagirdi müvafiq müayinə və müalicə prosedurundan sonra evə buraxılıb.

Bu barədə Oxu.Az-a Bakı Şəhər Təhsil İdarəsindən məlumat verilib.

***16:25

A.Hüseynzadə adına 20 nömrəli məktəb-liseydə şagirdlər yeməkdən, daha dəqiq desək "Nuggets"dən zəhərləniblər.

BAKU.WS xəbər verir ki, məktəbin 4-cü sinif şagirdi BAKU.TV-yə bildirib ki, "Nuggets" yediyi üçün məktəblilər xəstəxanaya yerləşdiriliblər: "Ürəyi bulanmağa başlamışdı. Sonra aşağı apardılar. Ordan da həkimə aparılıblar".

Məktəbin müəllimi Rüxsarə Abbasova deyib ki, onun sinfində də uşaqlar eyni yeməkdən qəbul etsə də, heç bir problem yaranmayıb.