Azərbaycanda ömürlük cəza çəkən əcnəbilərin sayı AÇIQLANDI - FOTO

"Azərbaycandakı cəzaçəkmə müəssisələrində Banqladeş, Çin, Hindistan, Konqo, Livan, Maldiv, Ermənistan, Mərakeş, Nigeriya, Qvineya, Sudan, Tacikistan, Oman, Rusiya, Ukrayna və s. ölkələrin vətəndaşları var".

BAKU.WS report-a istinadən xəbər verir ki, bunu Ədliyyə Nazirliyinin Penitensiar Xidmətinin Hüquq şöbəsinin rəisi, ədliyyə polkovniki Ziya Dadaşov "Şəxslərin öz iradəsi ilə tərk edə bilmədiyi müəssisələrdə saxlanılan əcnəbi və vətəndaşlığı olmayan şəxslərin hüquqlarının müdafiəsi" mövzusunda seminarda deyib.

O bildirib ki, həmin əcnəbilər arasında ömürlük cəza çəkən şəxslər də var.

"Onların 4-ü Rusiya, 4-ü Gürcüstan, 1-i Qazaxıstan, 1-i İran vətəndaşıdır. Vətəndaşlığı olmayan dörd nəfər də ömürlük cəza çəkir".