Azərbaycanda dövlət qurumunun əməkdaşlarında koronavirus aşkarlanıb?

Azərbaycan Dəmir Yolları QSC-nin əməkdaşlarından birində koronavirusa yoluxma aşkarlanıb.

BAKU.WS Oxu.Az-a istinadən xəbər verir ki, QSC-nin Kadrlar Şöbəsinin əməkdaşlarından birinin yeni növ koronavirusa (COVİD-19) yoluxması müəyyənləşdirilib.

Hazırda Azərbaycan Dəmir Yolları QSC-nin mərkəzi binasında iş dayandırılıb və əməkdaşlara bildirilib ki, ən az bir həftə müddətindən idarə binasına giriş mümkün olmayacaq. Sözügedən əməkdaşın iş zamanı kimlərlə kontaktda olması müəyyənləşdirilir.

İlkin məlumata görə Kadrlar Şöbəsinin bütün əməkdaşları iki həftəlik karantinə götürüləcəklər.