Ayağına tüpürcək inyeksiya edilən qadının əlillik təyinatı aparılıb? - Agentlik rəsmisi AÇIQLADI

"Həyat yoldaşı tərəfindən ayağına tüpürcək inyeksiya edilən Ruhiyyə Mahmudovaya orqanizm funksiyalarının 85% pozulmasına görə müddətsiz əlillik təyinatı aparılıb".

BAKU.WS xəbər verir ki, bu barədə Oxu.Az-a açıqlamasında Dövlət Tibbi-Sosial Ekspertiza və Reabilitasiya agentliliyin İctimaiyyətlə əlaqələr və daxili kommunikasiya şöbəsinin müdiri Tural Qurbanov deyib.

O bildirib ki, R.Mahmudova əlilik təyinatınatına uyğun olaraq müvafiq sosial ödənişlərlə təmin olunacaq:

"Kürdəmir rayon sakini, 1988-ci il təvəllüdlü Ruhiyyə Aydın qızı Mahmudovanın əlilliyinin qiymətləndirilməsi ilə bağlı tibb müəssisəsi tərəfindən rəsmiləşdirilən "Forma-88" göndərişində ekspertiza üçün önəmli məlumatlar ətraflı qeyd edilmədiyinə görə elektron sistem üzərindən onun əlilliyinin qiymətləndirilməsi mümkün olmayıb. Bu səbəbdən də 28.11.2024-cü il tarixdə vətəndaş Dövlət Tibbi-Sosial Ekspertiza və Reabilitasiya Agentliyinin həkim-eksperti tərəfindən evində əyani müayinə edilib. Ruhiyyə Mahmudovanın müayinə nəticəsinə əsasən, qanunvericiliyə müvafiq olaraq ona orqanizm funksiyalarının 85% pozulmasına görə müddətsiz əlillik təyinatı aparılıb. Vətəndaş buna uyğun olaraq müvafiq sosial ödənişlərlə təmin olunacaq".