Audiovizual Şura "Alatava" serialı ilə bağlı İctimai TV-yə tövsiyələr verib

Ölkə üzrə ümumi janrlı yayımçıların proqramındakı maarifləndirici verilişlərin miqdarı arzuolunan qeder deyil.

BAKU.WS APA-ya istinadən xəbər verir ki, bunu Audiovizual Şuranın aparat rəhbəri Fazil Novruzov "Audiovizual media: Normalar, reallıqlar və çağırışlar" mövzusunda onlayn media subyektləri ilə keçirilən dəyirmi masada çıxışı zamanı deyib.

O bildirib ki, ümumi janrlı kanalların proqramında maarifləndirici verilişlərin həcmi 10-12 faizdir.

"Bu rəqəm bizim üçün heç də arzuolunan deyil. Lakin biz yayımçıların seçiminə müdaxilə edə bilmərik. Bu yaxınlarda İctimaidə yayımlanan "Alatava" serialındakı müəyyən məqamlar ilə bağlı biz yayımçıya tövsiyələr verdik. Bu kanal İctimai yayımçı olduğu üçün biz onun yayımını dayandıra bilərik. Lakin tövsiyələr vermişik".