Şagirdlər üçün vacib tədbir - FOTO

Bakı şəhəri Suraxanı rayonu 279 saylı orta məktəbdə yol hərəkəti və ictimai nəqliyyatda davranış qaydaları ilə bağlı maarifləndirmə tədbiri keçirilib.

Bu barədə Bakı Nəqliyyat Agentliyinin mətbuat xidmətindən BAKU.WS-ə bildirilib.

Verilən məlumata görə, Bakı Nəqliyyat Agentliyinin təşkilatçılığı ilə təşkil edilən tədbirdə Sürücü Təlim Mərkəzinin təlimçisi şagirdlərə yol hərəkəti və ictimai nəqliyyatda etik davranış qaydalarına əməl edilməsi ilə bağlı faydalı məlumatlar verib.

Bu qaydalara əməl edilməsinin həm şəxsi təhlükəsizlikləri, həm də bir şəxsiyyət olaraq formalaşmaları baxımından əhəmiyyətli olması şagirdlərin diqqətinə çatdırılıb.

Şagirdlərin marağını artırmaq üçün təlimlər interaktiv keçirilib, viktorinalar təşkil edilib.Eyni zamanda, məktəblilərə Bakı Nəqliyyat Agentliyinin azyaşlılar üşün hazırladığı “İctimai Nəqliyyatda Davranış Qaydaları” adlı şəkilli izahat kitabçaları təqdim olunub.

Xüsusi aktivliyi ilə seçilən şagirdlər isə hədiyyələrlə mükafatlandırılıb.

Qeyd edək ki, paytaxtın orta məktəblərində aşağı sinif şagirdlərinin xüsusi təlimlərə cəlb edilməsi prosesi davam etdiriləcək.BAKU.WS