7 bal gücündəki zəlzələnin fəsadlarının aradan qaldırılması üçün 2 milyon ayrıldı
Şəkidə 7 bal gücündə baş vermiş zəlzələnin fəsadlarının aradan qaldırılması üçün 2 milyon manat vəsait ayrılıb. BAKU.WS-in məlumatına görə, bu barədə jurnalistlərə açıqlama verən Baş nazirin müavini Abid Şərifov bildirib ki, zəlzələ baş verən qəsəbədə 90 ev var. Qəsəbə bələdiyyəsinin, icra nümayəndəsinin də yerləşdiyi uşaq bağçası və 4 ev uçub, bəzilərində çatlar yaranıb. Dövlət başçısının göstərişi və Nazirlər Kabinetinin sərəncamı ilə bu fəsadların aradan qaldırılması üçün ilkin olaraq 2 milyon manat vəsait ayrılıb. Araşdırmalar nəticəsində başqa fəsadlar müəyyən olunarsa bu fəsadların aradan qaldırılması üçün də tədbirlər görüləcək. Zəlzələ yüksək balla olsa da insan tələfatı və xəsarət alan olmayıb,- deyə Abid Şərifov bildirib. Ziya Səccad BAKU.WS
Oxşar xəbərlər
Azərbaycanda qrip əleyhinə vaksinasiyaya başlanılıb
Payız-qış mövsümü ilə bağlı Azərbaycanda qrip əleyhinə vaksinasiyaya başlanılıb. Xezerxeber.az xəbər verir ki, hər il bu aylarda qripin yayılmasının qarşısını a...