Siyavuş Novruzov: Bələdiyyə üzvlərinin sayı azaldılacaq
![Siyavuş Novruzov: Bələdiyyə üzvlərinin sayı azaldılacaq](https://baku.ws/storage/photos/thumbs/large/1709277673_3ea07ee2-b1b2-461f-8a8f-615f565e24c9.webp)
“Biz təklif etmişik bələdiyyə üzvlərinin sayı azaldılsın”.
BAKU.WS apa-ya istinadən xəbər verir ki, bunu Milli Məclisin Regional məsələlər komitəsinin bu gün keçirilən iclasında komitə sədri Siyavuş Novruzov deyib.
Komitə sədri bildirib ki, birləşən bələdiyyələr bu məsələni həll etsə də, tam həllini tapmayıb: “Bələdiyyə üzvlərinin sayı 3-11 nəfər müəyyən olunsa, daha yaxşı olar. Eyni zamanda siyasi partiyalar da bu prosesdə iştirak etməlidir. 1600 bələdiyyəyə 16 min adam namizəd irəli sürmək bir çox partiya üçün çətindir. Heç olmasa 50 %-də iştirak da partiyalar üçün çətinlik yaradır.
Üzvlərin sayının, bələdiyyələrin sayının azaldılması siyasi partiyaların da iştirakı üçün imkan yaradacaq. Bələdiyyə seçkilərinə qədər birləşmə prosesini həyata keçirəcəyik. Azad olunmuş ərazilərdə quruculuq işləri aparılanda kəndlərin birləşməsi prosesi həyata keçirilir. Bu çox doğru addımdır. Pay torpaqları istənilən yerdə verilə bilər. Qalan hallarda yaşayış massivləri birləşdirilib, əvəzinə böyük yaşayış massivi salınmalıdır”.
Oxşar xəbərlər
Dövlət Agentliyinin rəsmisi: “Füzulidə PUA-ların təmiri üzrə texnik hazırlamaq fikrindəyik” - MÜSAHİBƏ
“Artıq yüksək texniki peşə üzrə təhsil alanlar təhsil tələbə kreditləri almaq üçün müraciət edə bilərlər”. BAKU.WS xəbər verir ki, bunu apa-ya müsahibəsində Peş...