Tarixi Materada Qafqazın mədəniyyət paytaxtı Şuşa haqqında danışıldı - FOTO
![Tarixi Materada Qafqazın mədəniyyət paytaxtı Şuşa haqqında danışıldı - FOTO](https://baku.ws/storage/photos/thumbs/large/1702300624_photo_5456502267780912699_y.webp)
Şuşa Şəhəri Dövlət Qoruğu İdarəsinin icraçı direktoru Tural Novruzov, Azərbaycan Respublikası Prezidentinin Şuşa rayonunda xüsusi nümayəndəliyinin baş məsləhətçisi Elşad İsgəndərov və qoruğun digər əməkdaşları İtaliyanın tarixi Matera şəhərinin mədəni irsinin bərpasının 30 illiyinə həsr olunmuş “Matera 30- fikirlər reallığı formalaşdırır” konfransına qatılıblar.
BAKU.WS xəbər verir ki, səfərin əsas məqsədi tarixi abidələrin bərpası istiqamətinində yeni biliklərin istər nəzəri, istərsə də təcrübə baxımından öyrənilməsi və tədbiqidir.
Konfrans zamanı çıxış edən Tural Novruzov bir çox dünya şöhrətli şəxsiyyətlərin məhz Şuşada dünyaya göz açdıqlarını bildirib.
İcraçı direktor işğal zamanı ermənilərin yüzlərlə tarixi abidəyə ziyan vurduqlarını, hətta bəzilərini məhv etdiklərini xüsusi olaraq diqqətə çatdırıb.
Tural Novruzov bildirib ki, Şuşanın azad edilməsindən sonra həyata keçirilməkdə olan yenidənqurma işlərinin önündə məhz abidələrin bərpası durur ki, bu istiqamətdə də Şuşa Şəhəri Dövlət Qoruğu İdarəsi hal hazırda bir çox məşhur şirkətlərlə, eyni zamanda İtaliyalı Pietro Laureano kimi peşəkar mütəxəssis, çox böyük təcrübəyə malik İPOGEYA ilə bərabər çalışır.
Daha sonra Şuşa şəhərində görülməkdə olan bərpa-quruculuq işləri ilə bağlı təqdimat konfrans iştirakçılarına təqdim olunub.
Qalereya
Oxşar xəbərlər
İcma: "Etnik təmizləmə törədənlər və qayıdışımıza mane olanlar məsuliyyətə cəlb edilməlidir"
Qərbi Azərbaycan İcması BMT-nin İnsan hüquqları üzrə Ali Komissiarına müraciət ünvanlayıb. BAKU.WS report-a isinadən xəbər verir ki, məktubda Ermənistanın azər...