055 213 76 73
Sentyabrın 30-da Ermənistan silahlı qüvvələrinin Basarkeçər rayonunun Zərkənd yaşayış məntəqəsi istiqamətindəki mövqeyindən Azərbaycan Ordusunun Kəlbəcər rayonunun Aşağı Ayrım yaşayış məntəqəsi istiqamətində yerləşən mövqeyinə snayper silahından açılan atəş nəticəsində şəhid olan hərbi qulluqçumuz Orucov Vüsal Xeybalı oğlu Qusar rayonunda dəfn olunub.
"Report"un Şimal bürosu xəbər verir ki, şəhid Suvacal kənd qəbiristanlığında torpağa tapşırılıb.
Dəfn mərasimində Qusar Rayon İcra Hakimiyyətinin rəhbərliyi, hüquq-mühafizə orqanlarının əməkdaşları və rayon ictimayyəti iştirak ediblər.
Şəhidin tabutuna sarılmış üçrəngli bayrağı V.Orucovun atasına təqdim olunub.
Qeyd edək ki, V.Orucov 2005-ci ildə Suvacal kəndində anadan olub. Hərbi xidmətə bu il aprel ayında yollanmışdı.
***11:23
Sentyabrın 30-da Ermənistan silahlı qüvvələrinin Basarkeçər rayonunun Zərkənd yaşayış məntəqəsi istiqamətindəki mövqeyindən Azərbaycan Ordusunun Kəlbəcər rayonunun Aşağı Ayrım yaşayış məntəqəsi istiqamətində yerləşən mövqeyinə snayper silahından açılan atəş nəticəsində şəhid olan hərbi qulluqçumuz Orucov Vüsal Xeybalı oğlu ilə vida mərasimi başa çatıb.
“Report”un Şimal bürosu xəbər verir ki, mərasimdə mərhumun yaxınları, rayon icra hakimiyyətinin rəhbərliyi və ictimaiyyət nümayəndələri iştirak ediblər.
Mərhumun cənazəsi Qusar rayon Suvacal kənd məzarlığına aparılır.
Qeyd edək ki, V.Orucov 2005-ci ildə Qusar rayonunun Suvacal kəndində anadan olub. Hərbi xidmətə bu il aprel ayında yollanmışdı.
***10:43
Ermənistan silahlı qüvvələrinin hərbçisinin Basarkeçər rayonunun Zərkənd yaşayış məntəqəsi istiqamətindəki mövqeyindən Azərbaycan Ordusunun Kəlbəcər rayonunun Aşağı Ayrım yaşayış məntəqəsi istiqamətində yerləşən mövqeyinə snayper silahından atəş açması nəticəsində ötən gün şəhid olan həqiqi hərbi xidmət hərbi qulluqçusu Orucov Vüsal Xeybalı oğlunun nəşi Qusar rayonunun Suvacal kəndinə gətirilib.
"Report"un Şimal bürosunun məlumatına görə, şəhidlə vida mərasimi doğulduğu Suvacal kəndində keçirilir.
Mərasimdə mərhumun yaxınları, rayon icra hakimiyyətinin rəhbərliyi və ictimaiyyət nümayəndələri iştirak edirlər.
Şəhid sonra kənd məzarlığında dəfn olunacaq.
Qeyd edək ki, V.Orucov 2005-ci ildə Qusar rayonunun Suvacal kəndində anadan olub. Hərbi xidmətə bu il aprel ayında yollanmışdı.
