12,99%-dən ZAMİNSİZ, KOMİSSİYASIZ NAĞD KREDİT

Rəqəmsal İnkişaf və Nəqliyyat Nazirliyi “Aztelekom” MMC-nin baş direktoru Klaus Müllerin işdən çıxarılması xəbərini təkzib edib.

Nazirlikdən BAKU.WS-ə bildirilib ki, bununla bağlı yayılan məlumatlar həqiqəti əks etdirmir.

"K.Mueller hazırda şirkətin rəhbəri kimi fəaliyyətini davam etdirir", - deyə qurum bəyan edib.

***13:58

“Aztelekom” MMC-nin baş direktoru vəzifəsindən azad edilib.

BAKU.WS oxu.az-a istinadla xəbər verir ki, bu barədə Rəqəmsal inkişaf və nəqliyyat naziri Rəşad Nəbiyev əmr imzalayıb.

Əmrə əsasən, alman əsilli Klaus Müller işdən çıxarılıb.

“Aztelekom” MMC-dən bildirilib ki, baş direktor vəzifəsilə bağlı hər hansı bir dəyişiklik olsa, bu barədə açıqlama verilərdi.

Qeyd edək ki, K.Müller uzun müddət məzuniyyətdə olub.

Xatırladaq ki, o, 2021-ci ilin dekabr ayında MMC-nin baş direktoru vəzifəsinə təyinat alıb.

K.Müller Avropanın 12 ölkəsində sabit və mobil şəbəkə xidməti göstərən “Deutsche Telekom”un 50 min işçisi olan bölməsində əməliyyatlar üzrə direktor, Balkan ölkələrində rabitə operatorunun baş direktor müavini, Avropa və Asiyada bir neçə çoxmillətli telekommunikasiya şuralarının sədri və üzvü kimi fəaliyyət göstərib.

BAKU.WS