2022-ci il üçün yaşayış minimumu, ehtiyac meyarı, əmək pensiyasının minimumu artırılıb
![2022-ci il üçün yaşayış minimumu, ehtiyac meyarı, əmək pensiyasının minimumu artırılıb](https://baku.ws/storage/photos/thumbs/large/1640982210_61ce6f8c0fa9b61ce6f8c0fa9d16409189247e6e8abd01e374328e6723d854115ebd.webp)
Azərbaycanda yaşayış minimumu, ehtiyac meyarı, əmək pensiyasının minimum məbləği artırılıb.
BAKU.WS xəbər verir ki, “Azərbaycan Respublikasında 2022-ci il üçün yaşayış minimumu haqqında” qanuna əsasən, 2022-ci il üçün yaşayış minimumu yanvarın 1-dən ölkə üzrə 196 manatdan 210 manat qaldırılıb.
Yaşayış minimumu əmək qabiliyyətli əhali üçün 220 manat, pensiyaçılar üçün 176 manat, uşaqlar üçün 193 manat məbləğində müəyyən edilib.
“Azərbaycan Respublikasında 2022-ci il üçün ehtiyac meyarının həddi haqqında” qanuna əsasən, ünvanlı dövlət sosial yardımının təyin edilməsi məqsədilə 2022-ci il üçün ehtiyac meyarının həddi 170 manatdan 200 manata qaldırılıb.
“Əmək pensiyaları haqqında” qanuna dəyişikliyə əsasən isə əmək pensiyasının minimum məbləği 2022-ci il yanvarın 1-dən 240 manat məbləğində müəyyən olunub. Beləliklə, əmək pensiyasının minimum məbləği gələn ildən 20 faiz artırılıb. Ötən il əmək pensiyasının minimum məbləği 200 manat olub.
Oxşar xəbərlər
Ünvanlı sosial yardım almaq istəyənləri sevindirəcək DƏYİŞİKLİKLƏR – Yeniliklər açıqlandı
Milli Məclisin Əmək və Sosial Siyasət Komitəsinin mayın 12-də keçirilən iclasında “Ünvanlı Dövlət Sosial Yardımı” Haqqında Qanuna ediləcək dəyişikliklər müzakir...