Zerrin Özər yenidən xəstəxanaya yerləşdirildi

Türkiyəli məşhur müğənni Zerrin Özər yenidən xəstəxanaya yerləşdirilib.

BAKU.WS xəbər verir ki, 2023-cü ildə onurğa əməliyyatı keçirən sənətçi son günlər səhhətində yaranan problemlərə görə müalicə alır.

Zerrin Özər sosial şəbəkədə xəstəxanadan paylaşım edərək yazıb: "Onsuz da başım gicəllənirdi, indi bir də kristallarım yerindən oynayıb. Onları düzəltməyə gəldim".

Qeyd edək ki, müğənni daha əvvəl Darülaceze Fiziki Terapiya və Reabilitasiya Mərkəzində müalicə almış, həmçinin vəsiyyətini paylaşaraq həyatının filmə çəkilməsini və dəfn mərasimində Janis Joplinin "Little Girl Blue" mahnısının səslənməsini istədiyini bildirmişdi.