Tünzalə Ağayevadan "Qarabağ" klubuna: "Öz əzmkar oyununuzla bizə bu həyəcanı yaşadırsınız"

Ötən gün "Qarabağ" UEFA Çempionlar Liqasında növbəti oyununu keçirib. Azərbaycan çempionu Liqa mərhələsinin VI turunda Bakıda Niderlandın "Ayaks" klubunu qəbul edib. Tofiq Bəhramov adına Respublika stadionunda keçirilən qarşılaşma qonaqların 4:2 hesablı qələbəsi ilə başa çatıb.

BAKU.WS xəbər verir ki, oyuna məşhurlar da biganə qalmayıb.

Xalq artisti Tünzalə Ağayeva isə şəxsi instaqram hesabında matçla bağlı fikirlərini bölüşüb:

"Əziz Qarabağ FK, əziz Qurban müəllim, sizə sadəcə bir vətəndaş olaraq təşəkkür etmək istəyirəm. Nə gözəl zamana gəlib çatmışıq ki, dünyada hər bir klubun sizin yerinizdə olmağı, arzuladığı Çempionlar Liqasında öz əzmkar oyununuzla bizə bu həyəcanı yaşadırsınız. Tənqid etməyə nə var ki? Bunu hamımız bacarırıq! Təki bütün sahələrdə sizin qədər beynəlxalq uğurlarımızı olsun. Sizinlə fəxr edirəm!".