Tatlısəs oğlundan şikayətçi oldu, məhkəmə qərar verdi

Türkiyəli müğənni İbrahim Tatlısəsin oğlu Ahmet Tatlısəs barəsində məhkəmə qərar qəbul edib.

BAKU.WS Axşam.az-a istinadən xəbər verir ki, məhkəmə Tatlısəsin tələbi əsasında oğluna atasına yaxınlaşmağı qadağan edən qərar çıxarıb. İzmir 2-ci Ailə Məhkəməsinin qərarına əsasən, Ahmet atasına 3 kilometrdən artıq məsafəyə yaxınlaşa bilməyəcək.

Bunun üçün Ahmet elektron qolbaq taxacaq. Bununla da o atasına yaxınlaşarsa, bu barədə məlumat hüquq-mühafizə orqanlarına daxil olacaq və onlar belə bir halın yaşanmasına mane olacaqlar.

Qeyd edək ki, Tatlısəs prokurorluğa müraciətində oğlunun onu təhdid etdiyini bildirib.