SSRİ xalq artisti Lyudmila Çursina vəfat edib

SSRİ xalq artisti, tanınmış sovet və rus aktrisası Lyudmila Çursina 85 yaşında vəfat edib.

BAKU.WS RİA Novosti-yə istinadən xəbər verir ki, bu barədə Rusiya Ordusu Teatrının mətbuat xidməti məlumat yayıb.

Qeyd olunub ki, "Lyudmila Alekseyevna artıq həyatda deyil".

20 iyul 1941-ci ildə Stalinaabadda (indiki Düşənbə) anadan olan Çursina 1963-cü ildə Şukin adına Teatr Məktəbini bitirib. O, Vaxtanqov Teatrında, Puşkin adına Leninqrad Dram Teatrında fəaliyyət göstərib, 1984-cü ildən isə Rusiya Ordusunun Mərkəzi Akademik Teatrında çalışıb.

Aktrisa həmçinin Rusiya Kinematoqrafçılar İttifaqının və Kinematoqrafiya İncəsənəti Akademiyasının üzvü olub.