Silvestr Stallonenin 30 yaşlı qızı nişanlandı

Hollivud ulduzu Silvestr Stallonenin ailəsində xoş gün yaşanıb. Onun böyük qızı Sofiya nişanlanıb.

BAKU.WS xəbər verir ki, Sofiya uzun müddətdir münasibətdə olduğu sevgilisi Maykl Şihan ilə üzük taxaraq evlilik yolunda ilk addımını atıb.

Bu özəl hadisə ilə bağlı diqqət çəkən əsas məqam isə bu xoş anın avqustun 27-də yəni Sofiyanın 30-cu yaş günündə yaşanması olub.

O, sosial şəbəkədəki paylaşımına "Sonsuza qədər ən yaxşı dostumla..." sözlərini qeyd edib.

Silvestr Stallone də övladının şad günündə sevincini gizlətməyib.

O öz növbəsində ailə fotolarını bölüşərək "Qızımız Sofiya və Mayklın nişanlanmasına görə çox xoşbəxtik!" sözlərini yazıb və gənc cütlüyü təbrik edib.

Cütlüyün toy tarixinin nə vaxta planlaşdırıldığı isə hələlik açıqlanmayıb.