Sevinc: "İmam kağızı ilə toy etsək, uşaq dünyaya gətirərəm" - VİDEO

Səfərova əkiz bacılarından Sevinc rəsmi nikah olmadan uşaq dünyaya gətirməyin əleyhinədir. BAKU.WS xəbər verir ki, ifaçı bu barədə lent.az-ın canlı yayımında danışıb:

"Tam səmimi deyirəm, imam kağızı önəmlidir, amma onu o qədər eybəcər şəkildə təqdim edirlər ki, artıq ictimaiyyətdə düzgün qarşılanmır. Mən düşünürəm ki, dünyaya "ZAQS"sız uşaq gətirmək düzgün deyil. İmam kağızı ilə böyük bir toy etsək, o zaman razıyam. Amma kəbin kəsildi, toysuz dünyaya uşaq gətirməyə də normal baxmıram. Çünki biz belələri çox görmüşük, bilirik. Artıq bunu o qədər eybəcər şəkilə gətirib çıxarıblar ki...

"ZAQS"ım yoxdur, uşağım var" - bunu artıq zarafata çeviriblər. Mən bununla qəti razı deyiləm. Olursa da, ikisi də olmalıdır. Əgər ailənə, özünə, dünyaya gələcək övladına hörmət edirsənsə, bu iki kağız mütləq şəkildə xanımın əlində olmalıdır".