Rusiyalı tanınmış aktrisa vəfat edib

Sovet və Rusiya kinosunun tanınmış aktrisası, həmçinin dublyaj ustası İnna Vıxodseva 90 yaşında uzun sürən xəstəlikdən sonra dünyasını dəyişib.

Bu barədə Rusiya Kinematoqrafçılar İttifaqı məlumat yayıb.

Aktrisanın dekabrın 31-də vəfat etdiyi bildirilib.

İnna Vıxodseva karyerası ərzində 165 film və serialda çəkilib. Onun iştirak etdiyi tanınmış işlərdən bəziləri bunlardır: "Baltik şöhrəti" (debyut rolu), "Atalarımızın gəncliyi", "Moskvaya göz yaşları yaramır", "Kamenskaya" və "Muxtarın qayıdışı".

Bundan əlavə, aktrisa xarici filmlərdə həmkarlarını səsləndirməklə məşğul olub. Onun kino və dublyaj sahəsindəki töhfələri Rusiya mədəni irsinin ayrılmaz bir hissəsinə çevrilib.