Rəşad Dağlıya görə "Space TV"yə edilən xəbərdarlığa Tarix Əliyevdən REAKSİYA

Bir neçə gün əvvəl "Space TV"də Tarix Əliyevin aparıcılığı ilə yayımlanan proqramda meyxanaçı Rəşad Dağlının (Əmirov) ad gününün qeyd edilməsi cəmiyyətdə birmənalı qarşılanmayıb. Bu hadisəyə görə Audiovizual Şura telekanala rəsmi xəbərdarlıq edib. Şuradan bildirilib ki, bu kimi halların təkrarlandığı təqdirdə televiziya kanalına qarşı inzibati cəza tədbiri - sanksiya tətbiq olunacaq.

BAKU.WS xəbər verir ki, məsələ ilə bağlı aparıcı Tarix Əliyev sosial media hesabında açıqlama yayıb:

"Bu ad gününü təşkil etdiyimə görə çox xoşbəxtəm. Əgər veriliş Rəşada görə bağlansa, bu, mənim üçün problem deyil. Təki veriliş pozğunlara görə deyil, bir şairə görə bağlansın".