Qriqori Lepsdən tamaşaçılara NALAYİQ SÖZLƏR

Rusiyalı müğənni Qriqori Leps bu dəfə də sosial şəbəkələrin müzakirə mövzusuna çevrilib.

BAKU.WS xəbər verir ki, Vladivostokda məkanlardan birində səhnəyə çıxan ifaçı tamaşaçılara nalayiq sözlər deyib.

Leps səhnəyə sərxoş vəziyyətdə çıxıb. O ayaq üstə güclə dayanıb, hitlərini belə düzgün oxuya bilməyib.

Sənətçi tamaşaçıların arasında uşaqların olmasına baxmayaraq, onlara qarşı açıq-aydın şəkildə təhqiramiz ifadələr işlədib.

Hətta çıxışı zamanı siqaret də çəkib.

İnsanlar biletlər üçün 3500-20000 rubl ödəyiblər, amma bunun əvəzinə karaokeyə bənzər şou görüblər. Hətta bəziləri zalı çox tez tərk ediblər.

Sosial şəbəkələr etiraz şərhləri ilə dolub.

İzləyicilər "Bu artıq sənət deyil!", "Tamaşaçıya hörmət yoxdur", "Bu, onun ilk dəfəsi deyil, nəticə çıxarmaq vaxtıdır", "Bunun üçün 20.000 rubl? Qəribədir!", "Elə bil ki, harada olduğunu, qarşısında kimin olduğunu unudub", "Belə konsertlər biabırçılıqdır. Yorulubsa dincəlsin", "Uşaqların yanında necə davranırsan?", "Hər dəfə eyni şey olur, sonra üzr istəyir... və sonra yenə də olur" kimi şərhlərlə sənətçiyə etiraz ediblər.

Qalereya