Namiq Qaraçuxurlu dələduzluğun qurbanı olub

Meyxanaçı Namiq Qaraçuxurlu dələduzluğun qurbanı olub.

BAKU.WS xəbər verir ki, sənətçi bu haqda “Instagram” hesabında məlumat verib. Namiq məhsul sifariş etdiyi onlayn alış-veriş səhifələrindən birinin onu aldatdığını bildirib:

“Əziz izləyicilərim, sizdən bir xahişim var. Bu səhifə guya mal sifarişilə məşğuldur.

Əslində isə işi dələduzluqdur. Məhsul sifariş verirsən, pulu kartına köçürürsən və adam yoxa çıxır.

Azərbaycanda bu səhifənin qurbanı olan içi mən qarışıq çox insanlar var.

Başqalarının da zərər görməməsi üçün birləşərək bu səhifəni şikayət edib bağlatdırmaq lazımdır.

Ümid edirəm ki, bu dələduzun dərsini verə biləcəyik”.