Məşhur prodüser və həyat yoldaşı evində qətlə yetirilib – Dəhşətli detallara aydınlıq gəldi

"American Idol" yarışmasının prodüserlərindən olan Robin Kaye və onun həyat yoldaşı Tomas Deluka ABŞ-nin Los-Anceles şəhərində evlərində ölü tapılıb.

BAKU.WS xarici mediaya istinadən xəbər verir ki, hadisənin təfərrüatları araşdırmadan bir ay sonra açıqlanıb.

Hər ikisi 70 yaşında olan cütlüyün çoxsaylı güllə yaralarından öldüyü məlum olub. Polis araşdırmasına görə, onlar 22 yaşlı Raymond Boodarian adlı şəxsi evlərində oğurluq edərkən yaxalayıb və mübahisə zamanı Boodarian cütlüyü onların öz silahı ilə qətlə yetirib.

Cinayətkar 4 gün sonra saxlanılıb və ikiqat qətldə ittiham olunur. Hazırda o, heç bir girov təyin olunmadan həbsdə saxlanılır.