Madonnadan gözlənilməz addım: "18 milyonluq instaqram səhifəsindən... - FOTO

Dünya pop musiqisinin kraliçası Madonnadan xəbər var.

BAKU.WS xarici KİV-ə istinadən xəbər verir ki, sənətçi 18 milyondan çox izləyicisi olan instaqram hesabındakı paylaşımları silib.

64 yaşlı sənətçi bu il karyerasının 40-cı ilini qeyd edəcək. Həmçinin Madonna dünya turuna çıxacaq.

Ehtimal edilir ki, ifaçı instaqram paylaşımlarını silməklə bütün musiqisevərlərin diqqətini öz konsertlərinə çəkmək istəyir.

Xatırladaq ki, Madonna ilk dəfə səhnəyə 1983-cü ildə gəlib. O, sonuncu dəfə 2019-cu ildə “Madame X” adlı dünya turu ilə sevənləri qarşısında çıxış edib.