İlhamə Qasımova: “Kardaşyanlar bir-birini qırsınlar, biz yox”

Müğənni İlhamə Qasımova bir müddət əvvəl həmkarı Rəqsanə İsmayılovanın Rusiya toylarına gedən sənətçilərlə bağlı qalmaqallı açıqlamasına münasibət bildirib.

BAKU.WS xəbər verir ki, bu haqda “Atv maqazin onlarla” verilişinə danışan ifaçı, Rəqsanənin bu çıxışını sərt şəkildə qınayıb:

“Əgər söhbət namus-qeyrətdən gedirsə, gərək o, ümumiyyətlə bu haqda belə bir çıxış etməzdi. Təklikdə kənara çəkib deyərdi ki “Sən bu işi görmə!” Dırnağarası qonşularımızın orada yaşadığı bir dövrdə, biz bir-birimizi dəstəkləməliyik.

Sosial media isə elə bi şeydir ki, gərək biz orada paylaşdığımız hər bir məlumatı dəqiqləşdirək, yayımlayaq. Çünki o informasiyanı bizdən başqa bütün dünya oxuyur.

Sonra deməsinlər ki “Baxın bunlar bir-birini qırır”. Qoy həmişə, Kardaşyanlar bir-birini qırsınlar, biz yox”.