Jan-Klod Van Damm Bakıya gələcək - VİDEO

Dünya şöhrətli Hollivud aktyoru Jan-Klod Van Damm Bakıya səfər edə bilər.

BAKU.WS xəbər verir ki, bunu azərbaycanlı döyüşçü Zabit Səmədov Lalə Azərtaşın yutub layihəsinə müsahibəsində açıqlayıb.

O bildirib ki, yaxın dostu aktyoru Bakıya gətirəcəyinə söz verib:

“Jan-Klod Van Dammın filmləri ilə böyümüşəm, onun hərəkətlərinə baxaraq döyüşməyi öyrənmişəm. Ola bilsin ki, mənim son döyüşümdə iştirak etsin”.

Qeyd edək ki, sentyabrın 10-da Milli Gimnastika Arenasında Zabit Səmədovun vida döyüşü baş tutacaq. Onun rinqdəki rəqibi qarışıq döyüş növləri üzrə braziliyalı döyüşçü Antonio Silva olacaq.