Bu günə kimi saxlanılan şou-biznes nümayəndələri - SİYAHI - FOTO

Müğənni Manaf Ağayev və biznesmen dostu Sənan Hüseynov 15 sutka həbs edilib.

BAKU.WS-in xəbərinə görə, bu barədə Yasamal Rayon Məhkəməsi qərar çıxarıb.

Qeyd edək ki, M.Ağayevin həbsi şou-biznes nümayəndələri arasında ilk hadisə deyil. Belə ki, bu günə qədər müxtəlif illərdə və ayrı-ayrı səbəblərdən məşhur simaların saxlanılma və həbs qərarları xəbərləri çıxıb.

Bunlardan bəzilərini təqdim edirik:

1. Rəşad Dağlı kimi tanınan meyxanaçı Əmirov Rəşad Vaqif oğlu karantin qaydalarını pozaraq mərasimdə iştirak etdiyi üçün saxlanılmış və cərimələnmişdi.

2. Fədayə Laçın kimi tanınan müğənni Məmmədova Fədayə Baris qızı Bakı-Astara-Bakı qatarından qaçan məhbuslara yardım etməkdə təqsirli bilindiyi üçün həbs edilmişdi.

3. Maral Tahirqızı - müğənni əxlaqsızlıq yuvası təşkil etməkdə ittiham olunaraq həbs edilmişdi.

4. Samir Cavadzadə - Azərbaycanın “Eurovision-2008” təmsilçisi otaq yoldaşı və dostu Elvin Hüseynovu bıçaqlaması faktı ilə əlaqədar həbs edilmişdi.

5. Vüsal Əliyev - bir vaxtlar populyar olan müğənni dələduzluq maddəsi ilə axtarışda olub və sonradan həbs edilmişdi.

6. Elşad Xose - tanınmış reper narkotik vasitələrə görə saxlanılmışdı.

7. Aqil M.Quliyev - tanınmış rejissor şikayət əsasında həbs edilmişdi.

8. Hüseyn Dərya - mərhum reper narkotik vasitələrə görə həbs edilmişdi.

9. Emil Rəhmanov - müğənni soyğunçuluq etməkdə təqsirli bilinərək həbs edilmişdi.

10. İlham Mirzəyev - tanınmış tele-aparıcı dələduzluqda ittiham olunaraq həbs edilmişdi.