“Bakını çox bəyənirəm, Dubaydan fərqi yoxdur” – Fərhad Göçər – VİDEO

ARB TV-nin "Türk şou-maqazin" verilişinin qonağı olan tanınmış türkiyəli müğənni Fərhad Göçər olub.

Maraqlı açıqlamalar verən sənətçi, ilk olaraq mahnılarını özünün xarakterinə uyğun seçib oxuduğunu bildirib:

"Xarakterimi yansıdan mahnılardır. Keçmişimdə platonik sevgilər yaşamışam. İçimdə saxlamışam. Ona görə də belə alınır. İndiki mahnılar da buna uyğundur. İndi çox xoşbəxtəm və rahatam. Mənə görə bir kişini xoşbəxt etmək üçün sevgi və hörmət gərəkli amillərdir. Sonsuz güvən olmalıdır, yalan söyləmək olmaz". 

Müğənni daha sonra həkimliyi, həm də müğənniliyi eyni anda bacarmasından da söz açıb:

"İndi də Səhiyyə Nazirliyində çalışıram. 25 ildir fəaliyyət göstərirəm. Sizdə də Polad Bülbüloğlu bu cür fəaliyyət göstərir. Çox hörmət edirəm ona. Yeni albomlarım çıxdığı zaman növbələrdə olarkən xəstələr məni tanıyıb gülümsəyirdilər. Çox xoş anlar olub. Uzun illər yuxusuz qalıb, gecə-gündüz işlədim. Amma sonradan əməklərimin qarşılığın aldım. Övladlarımın heç biri yolumu davam etdirmədi. Biri qrafika oxuyur, oğlum da biznes sahəsində təhsil alır".

Sonda Fərhad Göçər tətili hara keçirəcəyindən və Azərbaycan haqda söz açıb:

"Tətildə Bodruma gedəcəyik. Orada qohum-əqraba ilə birlikdə zaman keçirməyi düşünürük. Azərbaycana tez-tez gəlirəm. Hardasa 2-3 aydan bir Bakıya, Gəncəyə gəlib-gedirəm. Tez-tez konsertlərimiz olur. Bakını çox bəyənirəm. Dubaydan fərqiniz yoxdur. Çox təmiz havası var, qısqandıracaq dərəcədə gözəl şəhər olub".

BAKU.WS