Azərbaycanlı aparıcını avtobusda aldatdılar - FOTO

Radio aparıcısı, yazıçı, jurnalist Günel Natiqin başına iş gəlib.BAKU.WS xəbər verir ki, hadisə 77 saylı marşrut xətti üzrə hərəkət edən avtobusda baş verib. Belə ki, gediş haqqını ödəyən yazıçıya sürücü xarici ölkəyə məxsus qəpiklər qaytarıb. Məsələ ilə bağlı saytımıza açıqlama verən G. Natiq deyib ki, 77 nömrəli marşrutdan enərkən sürücüyə 1 manat verib, o da gediş haqqını çıxaraq, pulun qalığını qaytarıb. O, pullara fikir vermədən onu çantasına atıb. Köşkdən qəzet almaq istəyən yazar sürücünün verdiyi pulları çantasından çıxarıb köşkə təqdim edəndə satıcı “bu bizim pullar deyil”, deyə geri qaytarıb. Günel xanım pullara baxanda onların 20 il əvvələ aid olan iki ədəd 50 qəpiklik avro sent olduğunu görüb. G. Natiq BAKU.WS vasitəsi ilə digər sərnişinləri də ayıq-sayıq olmağa çağırıb. Qeyd edək ki, Günel Natiq görkəmli tərcüməçi Natiq Səfərovun qızıdır.BAKU.WSGünel Natiq