Alla Puqaçova Maksim Qalkini gecikmiş olsa da təbrik etdi

Müğənni Alla Puqaçova həyat yoldaşı, şoumen Maksim Qalkinin 50 illik yubileyini gecikməli olsa da təbrik edib.

BAKU.WS xəbər verir ki, əvvəlcə sənətçinin Qalkini sosial şəbəkələrdə təbrik etməməsi diqqət çəkmiş və bu, mediada müzakirələrə səbəb olmuşdu. Lakin daha sonra Puqaçova şəxsi hesabında paylaşım edərək həyat yoldaşını təbrik edib.

O, Qalkinlə birlikdə çəkilmiş fotosunu paylaşaraq "Mənim sevdiyim 50… Həyat davam edir" sözlərini yazıb və ürək emojiləri əlavə edib.

Qeyd edək ki, Maksim Qalkin 18 iyun tarixində 50 yaşını qeyd edib və bir sıra tanınmış şəxslər tərəfindən də təbrik olunub.