Röya Ayxan onlarla mahnı oxuyub, rəqs etdi - FOTO/VİDEO

Xalq artisti Röya Ayxan xeyirxah addımı ilə diqqət çəkib. 

BAKU.WS xəbər verir ki, ötən gün estrada ulduzu Autizm Mərkəzində olub.

İfaçı orada autizmli uşaqlar və gənclərlə görüşüb. O, mərkəzlə tanış olub, uşaqların tədrisi ilə yaxından maraqlanıb. Xalq artisti onlarla birgə vaxt keçirib, mahnı oxuyub və rəqs ediblər.

Qeyd edək ki, Heydər Əliyev Fondunun dəstəyi ilə 30 dekabr 2021-ci ildə yeni binası qurulan və ölkəmizin Birinci vitse-prezidenti hörmətli Mehriban xanım Əliyevanın açılışını etdiyi Autizm Mərkəzimizdə sayı 80-ə qədər olan 0-25 yaşlı autizmli şəxslər intensiv terapiyadan faydalanır.