Səməd Səmədovun nəvəsi: “Arzulayırdım ki, toyumda iştirak edəsən”

Xalq artisti Səməd Səmədovun Rusiyada yaşayan nəvəsi Səməd babasının vəfatı ilə bağlı paylaşım edib.
BAKU.WS xəbər verir ki, o sosial şəbəkə hesabında babası ilə uşaqlıq şəklini yayımlayaraq onun vəfatına görə dərin kədər hissi keçirdiyini bildirib:
“Ən yaxşı baba. Elə arzulayırdım ki, toyumda iştirak edəsən, amma bu gün sən yoxsan. Dünyada elə bir adam yoxdur ki, sənin haqqında nəsə pis bir şey danışsın. Sən mənə çox şey öyrətdin. Sənə minnətdaram, hər şeyə görə çox sağ ol. Sən kralsan və qəlblərdə elə qalacaqsan. Ailəmiz və xalqımız üçün böyük itkisən. Həmişə olduğu kimi mənimlə fəxr edəcəksən. Səni sevirəm. Allah rəhmət eləsin”.
Qeyd edək ki, Xalq artisti Səməd Səmədov bir neçə gün əvvəl ağır vəziyyətdə tənəffüs çatışmazlığı diaqnozu ilə klinikalardan birinin reanimasiya şöbəsinə yerləşdirilib. Həmin vaxt sənətçidə kəskin böyrək çatışmazlığı aşkarlanıb. Həkimlərin səyinə baxmayaraq, 15-16 saat reanimasiyada qalan Xalq artistinin ürəyi dayanıb və o vəfat edib.
Qalereya
Oxşar xəbərlər
Mələk Heydərova: "Onları efirdə xoruz kimi döyüşdürürlər" (VİDEO)
BAKU.WS-in budəfəki müsahibi aparıcı Mələk Heydərovadır.- Özünüzü necə təqdim edərdiniz?- Təzə-təzə tanınmağa başlayanlar deyə bilər ki, aparıcı, aktrisa. Mənə...