“Betpro” MMC ictimai fəal gəncləri işlə təmin edir

“Azərlotereya” Açıq Səhmdar Cəmiyyətinin (ASC) rəsmi distributoru olan “Betpro” MMC bu ilin 2 ayı ərzində ictimai fəallıq göstərən 70-dən çox gənci işlə təmin edib.

“Betpro” MMC-dən BAKU.WS-ə daxil olan məlumata görə, şirkət Bakı və regionlarda ilin sonunadək bu rəqəmi 500 nəfərə çatdırmağı planlaşdırır. “Betpro” MMC-nin satış yerləri Bakı şəhəri Nərimanov rayonu, Koveroçkin küçəsi 127, Bərdə şəhəri Heydər Əliyev propekti 6, Ağdaş şəhəri Heydər Əliyev prospekti 72.

Qeyd edək ki, “Azərlotereya” ASC Prezidentin 23 noyabr 2001-ci il tarixli, 599 saylı fərmanına əsasən, Azərbaycan Respublikasında lotereya fəaliyyətini təkmilləşdirmək, vətəndaşların hüquqları və qanuni mənafelərinin qorunmasını ardıcıl təmin etmək, lotereyanın keçirilməsindən dövlət büdcəsinə daxil olmaların artırılmasına və lotereya fəaliyyəti sahəsində dövlət nəzarətini daha da gücləndimək məqsədi ilə yaradılıb.