Azərbaycanın MMA döyüşçüsü ən nüfuzlu liqalardan birinin çempionu oldu - FOTO/VİDEO
![Azərbaycanın MMA döyüşçüsü ən nüfuzlu liqalardan birinin çempionu oldu - FOTO/VİDEO](https://baku.ws/storage/photos/thumbs/large/1661759048_mg-20220829-wa0008.webp)
Bu gün Azərbaycanı beynəlxalq arenada təmsil edən kifayət qədər gənc idmançılarımız var. Onlardan biri də 23 yaşlı MMA döyüşçüsü Elbek Alışovdur.
BAKU.WS xəbər verir ki, Alışov Elbek Vüqar oğlu 1999-cu il martın 30-da Rusiyanın İstra şəhərində dünyaya göz açıb.
O, 5 yaşından etibarən peşəkar idmanla məşğul olmağa başlayıb. İdman karyerasına cüdo və sambo ilə start verən Elbek ilk dəfə 14 yaşında MMA yarışlarında iştirak edib. 23 yaşlı MMA döyüşçüsü 66 kiloqram çəki dərəcəsində rəqibini rekord göstərici ilə məğlub edərək peşəkar karyerası ərzində 7-0-lıq rekorda imza atıb.
O, axırıncı Çempionluq döyüşündə Inal Ətleşovu hakimlərin yekun qərarı ilə məğlub edərək Hardcore FC liqasının 66 kq çəki dərəcəsində kəmərə sahib çıxıb. Qeyd edək ki, Hardcore FC Rusiyanın MMA döyüşləri üzrə peşəkar promouşınıdır. Liqa həm reytinqinə, həm də iştirakçı döyüşçülərin səviyyəsinə görə, Rusiyada ən peşəkarlardan sayılır.
Elbek Alışovun naliyyətləri təkcə bununla yekunlaşmır. O, Cüdo üzrə Spartakiadanın qalibi, cüdo və sambo üzrə beynəlxalq və Ümumrusiya turnirlərinin çempionu olub.
Alışov eyni zamanda MMA üzrə idman ustasıdır.
Nailiyyətləri sadalanmaqla bitməyən Elbek HFC MMA təşkilatı çempionu, o cümlədən Qrapplinq üzrə Moskva çempionudur.
MMA dünya çempionatının qalibi 18-20 yaş versiyası İMMAF-ın (Qarışıq döyüş növləri üzə beynəlxlaq federasiya) həvəskarlar arasında təşkil edilən reytinq turnirinin çempionluq kəməri, eyni zamanda peşəkar liqa kolizeyinin çempion kəmərinin sahibidir.
Elbekin oktyabr-noyabr aylarında kəmər qoruma döyüşü olacaq. Döyüşün vaxtı hələ ki dəqiq deyil.
Qalereya
Oxşar xəbərlər
Azercell - “Sənə yaxın gələcək”
Lider mobil operator 2021-ci ildəki fəaliyyət dövrünün hesabatını açıqlayır. Azərbaycanda ən son texnoloji trendləri tətbiq edərək rəqəmsallaşmanı hər bir istif...