XİN-in birinci katibi vəzifəsindən ayrıldı - FOTO

Xarici İşlər Nazirliyinin birinci katibi Araz İmanov vəzifəsindən ayrılıb.

BAKU.WS xəbər verir ki, bu barədə A.İmanov özünün “Facebook” hesabında bildirib.

“Qürur hissi ilə bildirirəm ki, 16 illik təcrübəm ilə Xarici İşlər Nazirliyindən ayrılıb fəaliyyətimi Qarabağın bərpası istiqamətində davam etdirəcəyəm.

Bu yolda ən böyük əməyi olan cənab Prezident və onun komandasına kiçik də olsa xeyrim dəysin deyə bütün səylərimi əsirgəməyəcəm. Şəhidlərin ruhları şad olsun! Tanrı Azərbaycanı və millətimizi qorusun!” - deyə A.İmanov yazıb.