Bakıda WUF13-ün üçüncü günü işinə başlayıb

Bakıda keçirilən Ümumdünya Şəhərsalma Forumunun 13-cü Sessiyasının (WUF13) üçüncü günü öz işinə başlayıb.

BAKU.WS xəbər verir ki, gün ərzində ümumilikdə təxminən 162 tədbirin keçirilməsi nəzərdə tutulur.

Bu gün WUF13 çərçivəsində "Yaşıl, Davamlı və İnklüziv Bərpaya Doğru: Azərbaycanda Davamlı Şəhərlərin Tətbiqi", "Tərəfdaşlıq, Siyasət İnnovasiyası və Maliyyə vasitəsilə Əlverişli Mənzillərin Sürətləndirilməsi", "Köçkünlük Kontekstində "Yaxşı Şəhər"in Yenidən Düşünülməsi: Şəhər Böhranında Mənzil, Yaşayış Vəsaitləri və Rifah - Bir Tədqiqat", "Şəhərsalma İqlim Fəaliyyətidir - C40 və BMT-nin Yaşayış Yeri Sürətləndiricisi" kimi mövzularda sessiyalar baş tutacaq.

Xatırladaq ki, Ümumdünya Şəhərsalma Forumunun 13-cü sessiyasına (WUF13) 182 ölkədən 40 mindən çox iştirakçı qeydiyyatdan keçib.

Forum mayın 17-də start götürüb və 22 mayadək davam edəcək.

Forum Azərbaycanın BMT-nin Məskunlaşma Proqramı (UN-Habitat) ilə sıx əməkdaşlığı çərçivəsində keçirilir və dayanıqlı şəhərsalma, "ağıllı şəhərlər" və innovativ şəhər həlləri sahəsində beynəlxalq təcrübə mübadiləsinə yönəlib.

***07:55

Ümumdünya Şəhərsalma Forumunun 13-cü Sessiyasının (WUF13) üçüncü gününə start verilir.

BAKU.WS xəbər verir ki, bu gün müxtəlif mövzularda müzakirələr aparılacaq, problemlərlə bağlı həll yolları təklif ediləcək.

Gün ərzində ümumilikdə 160-dan çox tədbirin keçirilməsi nəzərdə tutulur.

Xatırladaq ki, dünən WUF13-ün rəsmi açılış mərasimi olub və Azərbaycan Prezidenti İlham Əliyev mərasimdə çıxış edib.

Əlavə edək ki, WUF13 BMT-nin Məskunlaşma Proqramı (UN-Habitat) və Azərbaycan Hökumətinin birgə təşkilatçılığı ilə keçirilir.

"Hər kəs üçün yaşayış yerləri: Təhlükəsiz və dayanıqlı şəhərlər və yaşayış məskənləri" mövzusuna həsr olunan forum mayın 22-dək davam edəcək.