WP: İsrail Ərəb ölkələrinin kömək etməyəcəyindən narahatdır

İsrail hakimiyyət orqanları ABŞ ilə əmədaşlıq edən Ərəb ölkələrinin İranın mümkün hücumunu dəf etməkdə yəhudi dövlətinə kömək etməyəcəyindən narahatdır.

Bu barədə "The Washington Post" qəzeti yazıb.

Qəzet yazır ki, 13 aprel tarixində İordaniya, Səudiyyə Ərəbistanı və BƏƏ raketlər və dronlardan istifadə edərək İranın İsrailə qarşı hücumunun dəf edilməsində iştirak ediblər.

Buna baxmayaraq, hazırda İordaniya və Səudiyyə Ərəbistanı hava məkanlarının döyüş zonasına çevrilməsini istəmir, Misir isə İranın hücumlarını dəf etməkdə iştirakdan imtina edib.

Adı açıqlanmayan nüfuzlu İsrailli siyasətçi, qəzetə verdiyi şərhdə Ərəb ölkələrinin bu cür ictimai bəyanatlarını çox narahatedici kimi qiymətləndirib.