Vilayət Eyvazov koronavirusdan ölən rəisin yerinə təyinat etdi

Daxili İşlər orqanlarında kadr dəyişikliyi olub.

BAKU.WS oxu.az-a istinadən xəbər verir ki, bu barədə Daxili İşlər Naziri general-polkovnik Vilayət Eyvazov müvafiq əmr imzalayıb.

Əmrə əsasən, polis mayoru Tural Şahbəndiyev Abşeron Rayon Mühafizə Polis İdarəsinin rəis müavini vəzifəsindən azad olunub.

Nazirin digər əmri ilə o, Gəncə şəhər Baş Polis İdarəsinin İctimai Təhlükəsizlik İdarəsinin rəisi təyin olunub.

Qeyd edək ki sözügedən idarənin sabiq rəisi Emin Məmmədov ötən il koronavirus infeksiyasından vəfat etmişdi.