Ukraynada regionlardan biri rabitəsiz, televiziya və radio yayımsız qalıb

Ukraynanın Sumı vilayətində televiziya və radio yayımının ötürücüləri zədələnib.

BAKU.WS xəbər verir ki, bu barədə vilayətin Regional Hərbi Administrasiyası (OMA) özünün feysbuk səhifəsində məlumat yayıb.

“Sumı, Şostka, Belopolye və Trostyanetsdə ötürücülər müvəqqəti olaraq sıradan çıxıb", - deyə məlumatda bildirilib.

Regional hərbi administrasiya mobil rabitə ilə bağlı mümkün problemləri də açıqlayıb.

Bundan əvvəl Zaporojye vilayətinin Kiyevin nəzarətində olan ərazilərində bir neçə infrastruktur obyektinin zədələndiyi məlum olub.