Türkiyədə səsvermə zamanı təhlükəli anlar yaşandı - FOTO/VİDEO

Türkiyənin İstanbul şəhərinin Ümraniye rayonunda orta məktəbdə səsvermə zamanı beton suvaq parçaları tavandan sinif otağına düşüb.

BAKU.WS bu barədə Türkiyə mətbuatına istinadən xəbər verir.

Məlumata görə, hadisə yerli vaxtla saat 13.00 radələrində, Aşağı Dudullu Məhəlləsində Sabri Orman orta məktəbində baş verib.

3216 saylı seçki qutusunun yerləşdiyi sinif otağında səsvermə zamanı tavandan beton suvaq parçaları düşüb.

Hadisə zamanı iki müşahidəçi yaralanıb. Hadisə yerinə polis və tibb işçiləri cəlb edilib.

Qeyd olunur ki, yaralılar təcili tibbi yardım maşını ilə xəstəxanaya aparılıb.

Daha sonra səsvermə sinif otağında davam etdirilib.

Qalereya