Tehranda torpaq çökməsi 30 santimetrə çatıb - Pezeşkian paytaxtın köçürülməsindən DANIŞDI

"Biz bu tendensiya ilə Tehranda qala bilmərik".

BAKU.WS-in "Azad İran" "Telegram" kanalına istinadən verdiyi xəbərə görə, bunu İran Prezidenti Məsud Pezeşkian deyib.

Onun sözlərinə görə, Tehranın bəzi yerlərində torpaq çökməsi 30 santimetrə çatıb.

Ölkədə su qıtlığı böhranı və suyun paytaxta nəqlinin baha başa gəlməsinə toxunan Pezeşkian bildirib:

"Paytaxtın İranın cənubuna və Fars körfəzi sahillərinə köçürülməsi prosesini öyrənmək üçün xarici məsləhətçi cəlb etməyə razılıq verilib, ancaq hökumət rəsmiləri bu məsələdə hələlik heç bir addım atmayıblar".