Tanınmış aktyor 4 kişiyə təcavüzdə ittiham edilir - FOTO

Oskarlı aktyor Kevin Speysi 2003-2015-ci illərdə London və Qloster şəhərlərində dörd kişiyə təcavüz etməkdə ittiham olunur.

BAKU.WS xarici KİV-ə istinadən xəbər verir ki, 63 yaşlı aktyor ötən gün qatıldığı məhkəmədə vəkilləri ilə birlikdə görüntülənib. O, məhkəmədə haqqında irəli sürülən 12 müxtəlif maddəli ittihamların doğru olmadığını açıqlayıb.

Speysi qısa müddət əvvəl verdiyi müsahibələrindən birində xarici mətbuatın onu ictimaiyyətə canavar kimi təqdim etdiyini bildirib:

"Media məni insanlara canavar kimi təqdim etmək üçün əlindən gələni etdi. Amma mən insanlardan sevgidən başqa bir şey görmədim".

Aktyor "House of Cards" serialının baş rolunda çəkilərkən ona sürülən ağır ittihamlar səbəbilə çəkiliş meydanından qovulub.

Qalereya