Suriyanın zəlzələ baş verən bölgəsində epidemiya - Ölənlər var

Türkiyənin Kahramanmaraş şəhərindəki zəlzələlərdən təsirlənən Suriyanın şimalında vəba epidemiyası yayılıb.

BAKU.WS xarici mətbuata istinadən xəbər verir ki, bölgədə 2 nəfər vəbadan ölüb, yoluxanların sayı isə 600-ə çatıb.

Məlumata görə, zəlzələ bölgəsində yayılan epidemiya şiddətli ishal və qusma kimi əlamətlərlə özünü göstərir. Bildirilib ki, epidemiya çox yoluxucu və öldürücü səviyyədədir.

Mülki müdafiə qrupu qeyd edib ki, su şəbəkələrinə və infrastruktur sistemlərinə ciddi ziyan dəydiyi üçün ərazidəki 568 nəfərdə vəba xəstəliyi aşkarlanıb.