İstanbulda təhlükəli anlar - FOTO

Türkiyənin İstanbul şəhərində Haliç Körpüsündə sərxoş olduğu müəyyən edilən sürücünün istifadə etdiyi avtomobil eyni istiqamətdə hərəkətdə olan avtomobilə çırpılıb.

BAKU.WS Türkiyə mediasına istinadən xəbər verir ki, qəza yerli vaxtla saat 05.30 radələrində baş verib.

İdarəetmədən çıxan avtomobil daha sonra baryerlərə çırpılaraq alovlanıb.

Qəza törədən sürücü xəsarət alıb.

Hadisə yerinə polis, yanğınsöndürənlər və tibb qrupları cəlb edilib.

Yanğınsöndürənlərin müdaxiləsi nəticəsində yanan avtomobil söndürülüb.

Qalereya