İsrailin quru əməliyyatlarına hazırlığının peyk görüntüləri yayıldı - FOTO

İsrail ordusu qurudan Qəzza zolağına daxil olmağa hazırlaşır.

BAKU.WS xarici mətbuata istinadən xəbər verir ki, Qəzzaya yaxın nöqtələrdə gözləyən İsrail tanklarının son vəziyyəti peyk görüntülərinə əks olunub.

Şəkillər İsrailin Qəzzanın şimalındakı iki bölgədə yüzlərlə tank və zirehli texnikanı harada yerləşdirdiyini göstərir.

Bu arada İngiltərə mətbuatı İsrailin baş naziri Binyamin Netanyahu ilə görüşən ABŞ prezidenti Co Baydenin quru əməliyyatına yaşıl işıq yandırdığını yazıb.

Peyk görüntülərində əks olunan hərbi birləşmə Qəzzanın şimal sərhədindəki əsas giriş nöqtəsi olan Erezdən təxminən 6 kilometr aralıda yerləşir.

Xəritədə 1 və 2 nömrəli yerlər tankların toplandığı ərazilər kimi qeyd edilib.